खेतिहर के मन के बात

-
खेतिहर के मन के बात !
------------------------------
गोड़वा में फाटल बेवाई
खेतवा में आगि लागल
माटी करइली अंइठाइल
कंटवो से ढ़ेर बवुराइल !

सोकना बरधा मेंहीं चले
खुरिया में चभ-चभ धंसे
करइली माटी खोभाइल
खून से खुरिया सनाइल !

पलिहर खेतवा हेंगवनी
दूई चास के बाद बोवनी
आधा डिभी भरभराइल
आधा भीतरे ततहराइल !

का करीं हालियो नइखे
पइसा-कवुड़ी भी नइखे
जियरा मोरा अफनाइल
फिकिरी निनियो हेराइल !

सेठ महाजन खुश बाटे
सूद पर रुपया देले बाटे
जब खेतियो जहुआइल
पइसा लेबे चढ़ि आइल !

खेतिये के रहल आसरा
बबुआ पढ़े गइले बहरा
अब फीस नाहीं भराइल
माथवो हमार चकराइल !

का कहीं कुछ सूझे नाहीं
हमार बात केहू बूझे नाहीं
काम करत हाथ घठाइल
खेतिये वाला बा भठाइल !
        ---------------
रचना स्वरचित,मौलिक 
सर्वाधिकार सुरक्षित। ।
राम बहादुर राय 
भरौली,बलिया,उत्तर प्रदेश 
@followers

Comments

Post a Comment

Popular posts from this blog

माई भोजपुरी तोहके कतना बताईं

-
माई भोजपुरी तोहके कतना बताईं!! ------------------------------------------- माई भोजपुरी तोहके कतना बताईं सब लोगे गइल बाटे अपने में बंटाई भाषा भोजपुरी के करेले बस बड़ाई जाति-धर्म में बंटि के करे खूबे लड़ाई। माई भोजपुरी तोहके कतना बताईं जहां देखऽ उहां एगो संघे बनल बा पद पावे के फेरा में अपनहीं परल बा एगो दूसरा खातिर हलाहले भरल बा। माई भोजपुरी तोहके कतना बताईं!! भाषा भोजपुरी के खूबे बात करेलन बड़े-बड़े बैनर लेइके दिल्ली पहुंचेलन पद-पुरस्कार के हरदम फेर में रहेलन सबसे बड़का तगमा ई लेइके घुमेलन। माई भोजपुरी तोहके कतना बताईं!! जहां जाले जातिये के करेलन हिनाई अपने अकेले जाति के बातो बतियाई दूसर जाति देखते लेसे इनका बाई बुझाले कि हवुए इहे भोजपुरिया माई। जहां जाले मंच पर ई पहिलहीं सुनावे दूसरा के सबसे नीचे नांव लिखवावे सुने नाहीं अनकर अपने बात ई गावे मंचो पर बइठे तब भेदभावे गिनावे। माई भोजपुरी तोहके कतना बताईं!! बढ़ता आगे केहू जदि ई जानि जाई छोड़ि के काम अपन ओके रोकवाई मिलला पर सोझा खूब हंसेला ठठाई बात भोजपुरी के हिन्दिये में बतियाई। माई भोजपुरी ...
Read more

आजु नाहीं सदियन से, भारत देस महान

-
आजु नाहीं सदियन से,भारत देस महान -----‐------------------------------------------- आजु नाहीं सदियन से,भारत देस महान देस दुनिया के हवुए,भारत हमार सान। जब नाहीं जानत रहे,का होला संस्कार रहे भारत ओहि घरी,पढ़त खूब ओंकार। सुर असुर संग्राम में, होखे लागल हार देव दनुज लड़लें खूब,भइल दनुज संहार। मथल गइल महासागर,मिल गइल कालकूट परल सोच में देव सब,पिही के कालकूट। शिव शंकर अभयदानी,कई दिहलें कल्यान पी गइलें हलाहल तब,भइलन सुर हैरान। मत-मतान्तर भी रहे,चाहे अलग विचार रहे दबाव ना कवनो,रहल ना व्याभिचार। शक अइलें हूंण अइलें,गइलें इहां समाय ॠषि मुनि के देस हवुए,पुण्य खूबे कमाय। बार बार हमला भइल,तबो ना भइल एक मुगल,मुस्लिम के विचार,रहे ना कबो नेक। नाक मूंछ के धौंस में,भारत भइल गुलाम नाक मूंछ दूनो गइल,दवुलत भइल निलाम। भइल गुलाम गोरन के,भारत भइल तबाह बढ़ल मन तब गोरन के,बा इतिहास गवाह। फूट डालब राज करब,रहे फिरंगी नीति जहां काम ना बने तब,गोरा करे अनीति। भइल तंग फिरंगी से,भारत के सब लोग जाति धर्म के बरजा से,बनल लड़े के जोग। देस के वीर बांकुड़ा,हो गइलन रणवीर देखत फिरंगिन अनेति,भइल सब सूरवीर। मिलिके लड़ल लोग सब,भइ...
Read more

तूं रहिहऽ सावधान , बाड़ऽ नखलिस्तान

-
तूं रहिहऽ सावधान , बाड़ऽ नखलिस्तान ----------------------------------------------------- समय-समय के बात बा ,होला समय महान अर्स मिले चाहे फर्स , होला एकसमान  काम नीमन कइके तूं,बनि जा अब सिरमौर लेकिन कुछ ना करबऽ ,कहाई बुरा दौर। ई कइसन समय बाटे , लागे सब बीमार लोग घरां में बइठि के ,बनत बा चिड़ीमार। दंभ में जे जियत रही, हाल रही बेहाल सांच बहुत कठोर हऽ , तबो रही खुशहाल। कटि रहल पेंड़ देखऽ , देखि लऽ अब हाल गरमी से सब तंग बा ,जीवन बा बदहाल।   सब अपने में रहत बा ,सहत सहत आघात  घुटन के जिनगी जियता,तबो नइखे बुझात।  ई माया बाज़ार में , झूठन के दूकान  झूठे फलत फूलत बा , झूठ के बड़ मकान  दर-दयाद से तंग बा , तबो उ चले वितान  अपने से सब रंज बा,घर में गिरल चितान। राम बहादुर समझऽ , इहंवो पाकिस्तान  तूं रहिहऽ सावधान , बाड़ऽ नखलिस्तान। जाल-ताल लगवले बा, बइठल बा चुपचाप  नेह-छोह देखावता , जोहे आपन खाप।                 ----------- राम बहादुर राय भरौली,बलिया,उत्तरप्रदेश #highlight #जयभोजपुरी
Read more