उलझला में दम ना बा-
उलझला में दम ना बा-
-------------------------
अब त कहीं ना मनवो करेला
कि केहू से उलझीं।
हम केतनो ज्ञसही रहब तबो
हमरे कहाई गलती।
घूमन्तू जीव के बाटे चलती
ओहनी ना रही गलती।
हमहूं खूबे झगड़ा फरियाईं
रात-रात के घरे आईं।
एहू समय कर दिहनी गलती
सही बोलल ह गलती।
ममिला थाना में चलिए त गईल
उहां चाही भरल थलती।
दारोगा, पुलिस औरी ऊ मुंशी
सब ओकरे ओर से बोले।
ई त लोफर हईये है तब फिरो
काहे तें कईला गलती।
ई सब त पढल कम ही बाड़न
एहनी के माफ ह गलती।
अब त तोहार चोला शराफत ह
कुछ देर में डंडा से उतरी।
इज्जत भी त तोहरे बा ए बाबू
फेंका पईसा भरल गगरी।
ना त अईसन दफ़ा हम लगाईब
लाल घर में रहब कगरी।
ओहनी के जेलो में का ले जाईं
करजा में बाड़े स दोबरी।
खड़ा खड़ा गोड़ दुखाये लागल
तब"अकेला"में सोचनी।
एहि लफंगवन से माफी मांग लीं
ना त चलि जाईब भीतरी।
ए बाबू हमरा से गलती हो गईल
क्षमा कर दजा अबरी।
तोहने लोग अब सही बाड़जा इहां
ना उलझब फिर दोबरी।
-------------
राम बहादुर राय "अकेला"
भरौली, नरहीं,बलिया, उत्तरप्रदेश
Comments
Post a Comment