देवों के देव महादेव जी!!!

-
देवों के देव महादेव हो!!!
-------------------------------
जटवा में गंगा जी बहसु
लिलारा चनरमा हो!

जूड़ा केतना बड़ होइहें
गंगा रहि गइली हो!

जेकर संहतिया बिषहा
किरा-बिच्छी प्रेत हो!

जटा-जूटा टेढ़ मेढ़ बा
लिलारा त्रिनेत्र हो!

छाला मृगछाला सोहेला
हथवा में त्रिशूल हो!

जेकर आदि न अंत बाटे
उहे हवुंए महादेव हो!

रहेलन जहंवा शिव जी
भूतवन के बसेड़ हो!

शिव जी डमरू बजावसु
खालें भांग-धतूर हो!

कवनो ना भेदभाव करसु
हवुंए अवघड़दानी हो!

गरवा में किरवा शोभेला
देखेला सब ओर हो!

भैरो नन्दी रखवारी करसु
उहे हवुंए महादेव हो!

मांई गवुरा डेराइ गइली
कइसे रहबि संग हो!

शिवजी कहाले अड़भंगी
होलें सबके सहाय हो!

जब ना चले कवनो चारा
सहारा देले महादेव हो!

सृष्टि के साधक हवुंए शिव
पी गइलें हलाहल हो!

कंठ नीलकंठ महादेव जी
करेलें पाप के नाश हो!

जेकरा में सृष्टि समाहित
हर हर महादेव हो!

केतनो केहू बखान करेला
महादेव जी अनन्त हो!
------------
रचना स्वरचित अउरी मौलिक
@सर्वाधिकार सुरक्षित।।
राम बहादुर राय
भरौली, बलिया,उत्तरप्रदेश

Comments

Post a Comment

Popular posts from this blog

आजु नाहीं सदियन से, भारत देस महान

-
आजु नाहीं सदियन से,भारत देस महान -----‐------------------------------------------- आजु नाहीं सदियन से,भारत देस महान देस दुनिया के हवुए,भारत हमार सान। जब नाहीं जानत रहे,का होला संस्कार रहे भारत ओहि घरी,पढ़त खूब ओंकार। सुर असुर संग्राम में, होखे लागल हार देव दनुज लड़लें खूब,भइल दनुज संहार। मथल गइल महासागर,मिल गइल कालकूट परल सोच में देव सब,पिही के कालकूट। शिव शंकर अभयदानी,कई दिहलें कल्यान पी गइलें हलाहल तब,भइलन सुर हैरान। मत-मतान्तर भी रहे,चाहे अलग विचार रहे दबाव ना कवनो,रहल ना व्याभिचार। शक अइलें हूंण अइलें,गइलें इहां समाय ॠषि मुनि के देस हवुए,पुण्य खूबे कमाय। बार बार हमला भइल,तबो ना भइल एक मुगल,मुस्लिम के विचार,रहे ना कबो नेक। नाक मूंछ के धौंस में,भारत भइल गुलाम नाक मूंछ दूनो गइल,दवुलत भइल निलाम। भइल गुलाम गोरन के,भारत भइल तबाह बढ़ल मन तब गोरन के,बा इतिहास गवाह। फूट डालब राज करब,रहे फिरंगी नीति जहां काम ना बने तब,गोरा करे अनीति। भइल तंग फिरंगी से,भारत के सब लोग जाति धर्म के बरजा से,बनल लड़े के जोग। देस के वीर बांकुड़ा,हो गइलन रणवीर देखत फिरंगिन अनेति,भइल सब सूरवीर। मिलिके लड़ल लोग सब,भइ...
Read more

माई भोजपुरी तोहके कतना बताईं

-
माई भोजपुरी तोहके कतना बताईं!! ------------------------------------------- माई भोजपुरी तोहके कतना बताईं सब लोगे गइल बाटे अपने में बंटाई भाषा भोजपुरी के करेले बस बड़ाई जाति-धर्म में बंटि के करे खूबे लड़ाई। माई भोजपुरी तोहके कतना बताईं जहां देखऽ उहां एगो संघे बनल बा पद पावे के फेरा में अपनहीं परल बा एगो दूसरा खातिर हलाहले भरल बा। माई भोजपुरी तोहके कतना बताईं!! भाषा भोजपुरी के खूबे बात करेलन बड़े-बड़े बैनर लेइके दिल्ली पहुंचेलन पद-पुरस्कार के हरदम फेर में रहेलन सबसे बड़का तगमा ई लेइके घुमेलन। माई भोजपुरी तोहके कतना बताईं!! जहां जाले जातिये के करेलन हिनाई अपने अकेले जाति के बातो बतियाई दूसर जाति देखते लेसे इनका बाई बुझाले कि हवुए इहे भोजपुरिया माई। जहां जाले मंच पर ई पहिलहीं सुनावे दूसरा के सबसे नीचे नांव लिखवावे सुने नाहीं अनकर अपने बात ई गावे मंचो पर बइठे तब भेदभावे गिनावे। माई भोजपुरी तोहके कतना बताईं!! बढ़ता आगे केहू जदि ई जानि जाई छोड़ि के काम अपन ओके रोकवाई मिलला पर सोझा खूब हंसेला ठठाई बात भोजपुरी के हिन्दिये में बतियाई। माई भोजपुरी ...
Read more

मोंछ बनावे दूध से,नटखट रहे सुभाव।

-
मोंछ बनावे दूध से,नटखट रहे सुभाव। ---------------------------------------------- नून रोटी चेऊंआ,खाईंजा सुबहो साम ओरि छाजन भरल रहे ,रहे सब इंतजाम। मोट अनाज खाये सब,रहर-उरद के दाल माड़-भात पहेंटे सब,चोखा करत कमाल। लिट्टी रहे बाजरा के,रहे चभोरल घीव खाके दही भंइस के,जागे सबकर सीव। लड़िका सब चोंका पिये,जइसे गाय दुहाव मोंछ बनावे दूध से,नटखट रहे सुभाव। घीव भरल हलुआ रहे,संगे आम अचार रहल कटोरा फूल के,खाये बिना विचार। सील लोढ़ा काम करे,कुछू पिसे के काम पिसे पिसान घरहीं सब,जांता ओकर नाम। कूटे खाति अनाज के,रहे ओखर मूसर काम करे सब अपने से,साथ देबे दूसर। आम महुआ के बीने ,भोरे में सब जाव चुवल आम घरे आवे,पेट भर लोग खाव। लाटा रहे महुआ के, घर-घर में कुटाव बने अमावट आम के,सावन में सब खाव। सांवां-टांगुन धूस पर,रहे खूब बोआत मारे झपसी मेघ के,जब होखे बरसात। सोना अस टांगुन लगे,पाके ओकर बाल लाई खात अघाय सब,रहे रोग के काल। फांड़ भर दाना लेके,सांझी के सब खाव नून,तेल,मरिचा रहे,सिल पर खूब पिसाव। लाई गुरलाई बने ,देसी गुड़ के पाग भोर में दतुवन कइके ,खाते गावे राग। बोले अइसन बोल सब,सबके हिया जुड़ाव नेह-छोह आ...
Read more