कुछ तुहंई देखावऽ

कुछ तुहंई देखावऽ

------------------------

कुछ करहीं के बा तऽ

कइके देखावऽ

बहुत नीमन बाड़ऽ त

आदत सुधारऽ

बनल, बोलल छोड़ऽ

सबके अपनावऽ

बहुत ज्ञानी बाड़ऽ त

दूसरो के सिखावऽ

सबकेहू आपने हवुए

जनि बिलगावऽ

अदिमी के जात हवऽ

अदिमिये रहऽ

अगर कर सकल तऽ

ज्ञान फइलावऽ

सबकर खून लाले बा

जनि अंझुरावऽ

वाद-विवाद हो जावऽ

ओके संझुरावऽ

सबकर राहि एके बाऽ 

जनि भटकावऽ 

जिनिगी के का भरोसा

प्यार बरसावऽ 

केहू कुछवू कहत रहे 

तूंहई निभावऽ

         ------

रचना स्वरचित अउरी मौलिक 

@सर्वाधिकार सुरक्षित। ।

राम बहादुर राय 

भरौली,बलिया,उत्तर प्रदेश