देखऽ मोर नैनन के सूख गइल लोर
देखऽ मोरे नैनन के सूख गइल लोर
-------------------------------------------
झर -झर बहे हमरी अंखिया से लोर
दिने से देखत-देखत हो गइल भोर।
कवन कारनवा रावुर मन भइल थोर
जिनिगी के हमरा रवुंए बानी अंजोर।
टुकुर-टुकुर ताकिला हम चारू ओर
हियरा तड़पे कब अइहें साजन मोर।
लोराइल अंखिया सूखल देहिया मोर
थकि हारी के देखीं राधा-कृष्ण ओर।
अब जवन कहबऽ मानब बात तोर
पल-पल पहाड़ लागे टूटल सब जोर।
होतबा जियान जवन रहल सराबोर
अबो आवऽ आसरा लागल बा मोर।
काहें रिसियाइल बाड़ऽ तूं चितचोर
देखऽ मोर नैनन के सूख गइल लोर।
-----------------
रचना स्वरचित,मौलिक
@सर्वाधिकार सुरक्षित ।।
राम बहादुर राय
भरौली,बलिया,उत्तर प्रदेश
Comments
Post a Comment