एहू जमाना में हमके लइकी बतावल

-
एहू जमाना में हमके लइकी बतवलस
--------------------------------------------------
छूटल हमार नइहर अइनी अपने ससुरा
फेंड़ पर से गिरनी, दूसरे बिच्छी मरलस!

सासु कहेली फूहर,ननद कहे अठिलोहर
एगो बछिमुह लागे ,एगो लागे चकचोन्हर!

जेकरा से बियाह भइल गइल उहे बहरा
सूपे झटकरलस तोहार बढ़नी बहरलस!

क्रीम-पाउडर पोत के लागसु खूबे सुघर
पसीजेला पसेना त हो जाली भकभुवर!

अपने घूमेली गली-गली मारत ठठकरा
हमरा के कैदी बनाइके, जियते सरलस!

का जाने कवने नक्षतर में लिहली जनम
कवुवा अस बाड़ी तबो गोरे के बा भरम!

बात-बात पर हमके ताना खूब मारेली
अकेले त जरते रहीं,इहो हमके जरलस!

काहें जल्दी रहे कि बियाहे होखत अइनीं
अइनीं ससुराले त फलानवा बो कहइनी!

हे भगवान जी काहें के लइकी बनवलऽ
दहेज खातिर मरीं,कहीं गरभवे मरलस!

जाति-धर्म के लड़ाई में कुछवू ना कइनी
केहू ना भेंटाइल त हमहीं मारल गइनी!

लइकी जनमते भेदभाव जमाना कइलस
लइकी होके घरी-घरी जमाना मुववलस!

केहू नजर चढ़ावल केहू नजरे उतरलस
एहू जमाना में हमके लइकी बतवलस!
-----------------
राम बहादुर राय
भरौली,बलिया,उत्तर प्रदेश
#followers
#highlight

Comments

Post a Comment

Popular posts from this blog

देहियां हमार पियराइल, निरमोहिया ना आइल

-
देहिंया हमार पियराइल, निर्मोहिया ना आइल --------------------------------------------------------- असरा के मन अंझुराइल , निर्मोहिया ना आइल जोहत अंखिया पथराइल,निर्मोहिया ना आइल। मनवा के ललसा मनवे में मुरझात बा मनवा के बतिया मनवे में रह जात बा। देहिंया हमार पियराइल, निर्मोहिया ना आइल सरधा हमार ना पुराइल, निर्मोहिया ना आइल। अब हमरो उमिरिया बाटे जात ढ़रकल                 पुरकस देहिंया जात बाटे अब लरकल। सरधा हमार ना पुराइल,निर्मोहिया ना आइल  देहिंया हमार पियराइल,निर्मोहिया ना आइल।                आसरा के जिनगी हमार जाने केने बहकल                 मिले खातिर तोहरा से बाटे जियरा डहकल।  याद में  बानी सुखाइल ,निर्मोहिया  ना आइल मनवा हमार अकुलाइल,निर्मोहिया ना आइल।                      -----------------  राम बहादुर राय  भरौली,बलिया,उत्तर प्रदेश  #highlight
Read more

माई भोजपुरी तोहके कतना बताईं

-
माई भोजपुरी तोहके कतना बताईं!! ------------------------------------------- माई भोजपुरी तोहके कतना बताईं सब लोगे गइल बाटे अपने में बंटाई भाषा भोजपुरी के करेले बस बड़ाई जाति-धर्म में बंटि के करे खूबे लड़ाई। माई भोजपुरी तोहके कतना बताईं जहां देखऽ उहां एगो संघे बनल बा पद पावे के फेरा में अपनहीं परल बा एगो दूसरा खातिर हलाहले भरल बा। माई भोजपुरी तोहके कतना बताईं!! भाषा भोजपुरी के खूबे बात करेलन बड़े-बड़े बैनर लेइके दिल्ली पहुंचेलन पद-पुरस्कार के हरदम फेर में रहेलन सबसे बड़का तगमा ई लेइके घुमेलन। माई भोजपुरी तोहके कतना बताईं!! जहां जाले जातिये के करेलन हिनाई अपने अकेले जाति के बातो बतियाई दूसर जाति देखते लेसे इनका बाई बुझाले कि हवुए इहे भोजपुरिया माई। जहां जाले मंच पर ई पहिलहीं सुनावे दूसरा के सबसे नीचे नांव लिखवावे सुने नाहीं अनकर अपने बात ई गावे मंचो पर बइठे तब भेदभावे गिनावे। माई भोजपुरी तोहके कतना बताईं!! बढ़ता आगे केहू जदि ई जानि जाई छोड़ि के काम अपन ओके रोकवाई मिलला पर सोझा खूब हंसेला ठठाई बात भोजपुरी के हिन्दिये में बतियाई। माई भोजपुरी ...
Read more

आजु नाहीं सदियन से, भारत देस महान

-
आजु नाहीं सदियन से,भारत देस महान -----‐------------------------------------------- आजु नाहीं सदियन से,भारत देस महान देस दुनिया के हवुए,भारत हमार सान। जब नाहीं जानत रहे,का होला संस्कार रहे भारत ओहि घरी,पढ़त खूब ओंकार। सुर असुर संग्राम में, होखे लागल हार देव दनुज लड़लें खूब,भइल दनुज संहार। मथल गइल महासागर,मिल गइल कालकूट परल सोच में देव सब,पिही के कालकूट। शिव शंकर अभयदानी,कई दिहलें कल्यान पी गइलें हलाहल तब,भइलन सुर हैरान। मत-मतान्तर भी रहे,चाहे अलग विचार रहे दबाव ना कवनो,रहल ना व्याभिचार। शक अइलें हूंण अइलें,गइलें इहां समाय ॠषि मुनि के देस हवुए,पुण्य खूबे कमाय। बार बार हमला भइल,तबो ना भइल एक मुगल,मुस्लिम के विचार,रहे ना कबो नेक। नाक मूंछ के धौंस में,भारत भइल गुलाम नाक मूंछ दूनो गइल,दवुलत भइल निलाम। भइल गुलाम गोरन के,भारत भइल तबाह बढ़ल मन तब गोरन के,बा इतिहास गवाह। फूट डालब राज करब,रहे फिरंगी नीति जहां काम ना बने तब,गोरा करे अनीति। भइल तंग फिरंगी से,भारत के सब लोग जाति धर्म के बरजा से,बनल लड़े के जोग। देस के वीर बांकुड़ा,हो गइलन रणवीर देखत फिरंगिन अनेति,भइल सब सूरवीर। मिलिके लड़ल लोग सब,भइ...
Read more