दूगो पुस्तकन के विमोचन कइल गइल हवुए!!!

-
दूगो पुस्तकन के विमोचन कइल गइल हवुए!!!
---------------------------------------------------------

१-भोजपुरी के मान्यता देईं ए सरकार
२-अब गंवुओं में शहर आ

          बिहियां प्रखंड के कट्यां गांव में सब भोजपुरिया दिग्गज लोगन के जुटान भइल रहल। सलिल गीतकार कुमार अजय सिंह के अध्यक्षता में भोजपुरी के अश्लीलता मुक्त बनावे खातिर ज़मीनी आन्दोलन चलानेवाला हमनी के आदरणीय श्री नन्द कुमार तिवारी बाबा जी, बिहियां से चलके हैदराबाद में भोजपुरी के परचम लहरावे वाला श्री राजू ओझा जी, युवा हृदय के धड़कन जिला पार्षद आदरणीय श्री गंगाधर पाण्डेय जी अउरी तमाम भोजपुरिया समाज के लोगन के साथे भोजपुरी के आठवीं अनुसूची में शामिल करावे खातिर जबर्दस्त रणनीति बनल हवुए।।

            सबसे बड़ बात बा कि हमार भोजपुरी में लिखल दूगो किताब के विमोचन कइल गईल हवुए।।जवन किताब दिल्ली के सर्वभाषा प्रकाशन से प्रकाशित बा।।
१-भोजपुरी के मान्यता देईं ए सरकार
२-अब गंवुओं में शहर आ गईल।।

             कुमार अजय सिंह हमार लिखल पुस्तक "भोजपुरी के मान्यता देईं सरकार!!" के बहुत प्रशंसा कईनीं , ओइसहीं आदरणीय श्री नन्द कुमार तिवारी बाबा जी, श्री राजू ओझा जी, श्री गंगाधर पाण्डेय जी विमोचन के समय बहुत प्रशंसा कईनीं हंई.....हम बहुत बहुत आभारी बानी रवुंआ सब लोगन के।।

           सब लोगन के श्री राजू ओझा जी के माध्यम से अंगवस्त्रम देके सम्मानित कईल गईल हवुए।।

            अन्त में श्री राजू ओझा जी केहें लिट्टी-चोखा के व्यवस्था भी रहल हवुए जवन कि बहुत स्वादिष्ट रहल ह...एकरा खातिर राजू ओझा जी के अनघा बधाई बा।।

Comments

Post a Comment

Popular posts from this blog

देहियां हमार पियराइल, निरमोहिया ना आइल

-
देहिंया हमार पियराइल, निर्मोहिया ना आइल --------------------------------------------------------- असरा के मन अंझुराइल , निर्मोहिया ना आइल जोहत अंखिया पथराइल,निर्मोहिया ना आइल। मनवा के ललसा मनवे में मुरझात बा मनवा के बतिया मनवे में रह जात बा। देहिंया हमार पियराइल, निर्मोहिया ना आइल सरधा हमार ना पुराइल, निर्मोहिया ना आइल। अब हमरो उमिरिया बाटे जात ढ़रकल                 पुरकस देहिंया जात बाटे अब लरकल। सरधा हमार ना पुराइल,निर्मोहिया ना आइल  देहिंया हमार पियराइल,निर्मोहिया ना आइल।                आसरा के जिनगी हमार जाने केने बहकल                 मिले खातिर तोहरा से बाटे जियरा डहकल।  याद में  बानी सुखाइल ,निर्मोहिया  ना आइल मनवा हमार अकुलाइल,निर्मोहिया ना आइल।                      -----------------  राम बहादुर राय  भरौली,बलिया,उत्तर प्रदेश  #highlight
Read more

माई भोजपुरी तोहके कतना बताईं

-
माई भोजपुरी तोहके कतना बताईं!! ------------------------------------------- माई भोजपुरी तोहके कतना बताईं सब लोगे गइल बाटे अपने में बंटाई भाषा भोजपुरी के करेले बस बड़ाई जाति-धर्म में बंटि के करे खूबे लड़ाई। माई भोजपुरी तोहके कतना बताईं जहां देखऽ उहां एगो संघे बनल बा पद पावे के फेरा में अपनहीं परल बा एगो दूसरा खातिर हलाहले भरल बा। माई भोजपुरी तोहके कतना बताईं!! भाषा भोजपुरी के खूबे बात करेलन बड़े-बड़े बैनर लेइके दिल्ली पहुंचेलन पद-पुरस्कार के हरदम फेर में रहेलन सबसे बड़का तगमा ई लेइके घुमेलन। माई भोजपुरी तोहके कतना बताईं!! जहां जाले जातिये के करेलन हिनाई अपने अकेले जाति के बातो बतियाई दूसर जाति देखते लेसे इनका बाई बुझाले कि हवुए इहे भोजपुरिया माई। जहां जाले मंच पर ई पहिलहीं सुनावे दूसरा के सबसे नीचे नांव लिखवावे सुने नाहीं अनकर अपने बात ई गावे मंचो पर बइठे तब भेदभावे गिनावे। माई भोजपुरी तोहके कतना बताईं!! बढ़ता आगे केहू जदि ई जानि जाई छोड़ि के काम अपन ओके रोकवाई मिलला पर सोझा खूब हंसेला ठठाई बात भोजपुरी के हिन्दिये में बतियाई। माई भोजपुरी ...
Read more

आजु नाहीं सदियन से, भारत देस महान

-
आजु नाहीं सदियन से,भारत देस महान -----‐------------------------------------------- आजु नाहीं सदियन से,भारत देस महान देस दुनिया के हवुए,भारत हमार सान। जब नाहीं जानत रहे,का होला संस्कार रहे भारत ओहि घरी,पढ़त खूब ओंकार। सुर असुर संग्राम में, होखे लागल हार देव दनुज लड़लें खूब,भइल दनुज संहार। मथल गइल महासागर,मिल गइल कालकूट परल सोच में देव सब,पिही के कालकूट। शिव शंकर अभयदानी,कई दिहलें कल्यान पी गइलें हलाहल तब,भइलन सुर हैरान। मत-मतान्तर भी रहे,चाहे अलग विचार रहे दबाव ना कवनो,रहल ना व्याभिचार। शक अइलें हूंण अइलें,गइलें इहां समाय ॠषि मुनि के देस हवुए,पुण्य खूबे कमाय। बार बार हमला भइल,तबो ना भइल एक मुगल,मुस्लिम के विचार,रहे ना कबो नेक। नाक मूंछ के धौंस में,भारत भइल गुलाम नाक मूंछ दूनो गइल,दवुलत भइल निलाम। भइल गुलाम गोरन के,भारत भइल तबाह बढ़ल मन तब गोरन के,बा इतिहास गवाह। फूट डालब राज करब,रहे फिरंगी नीति जहां काम ना बने तब,गोरा करे अनीति। भइल तंग फिरंगी से,भारत के सब लोग जाति धर्म के बरजा से,बनल लड़े के जोग। देस के वीर बांकुड़ा,हो गइलन रणवीर देखत फिरंगिन अनेति,भइल सब सूरवीर। मिलिके लड़ल लोग सब,भइ...
Read more